ការដុះខាត់នូវចរិយាសម្បត្ដិរបស់កូន

ក្មេងដែលកើតមកមិនបានដឹងថា អ្វីទៅចរិយាគួរសម ឬមិនគួរសមនោះទេ។ គេរៀនដោយមើលលោកអ្នកនិងអ្នកដទៃទៀតដែលនៅជុំវិញគេប្រព្រឹត្ដយ៉ាងដូចម្ដេចហើយនិងដោះស្រាយមកគេនិងក្មេងដទៃទៀតយ៉ាងដូចម្ដេចដែរ។

មាតាបិតាចង់ឲ្យកូនរបស់ខ្លួនចេះថែរក្សាខ្លួន, ចេះគិតហើយនិងកាន់មារយាទល្អផង។ គំនិតអំពីរបៀបដែលធ្វើឲ្យគោលដៅនេះសម្រេចបានអាចប្រែប្រួលនិងផ្លាស់ប្ដូរទៅតាមពេលវេលា?។

ហេតុអ្វីបានជាកូនប្រព្រឹត្ដមិនត្រឹមត្រូវ?

ជារឿយៗមាតាបិតាមានការពិបាកយល់ថាហេតុអ្វីបានជាកូននៅតែធ្វើអ្វីដែលលោកអ្នកមិនចង់ឲ្យគេធ្វើ។ ចរិយារបស់កូនគឺជាបែបបទរបស់គេសំរាប់ប្រាប់លោកអ្នកថា គេកំពុងមានអារម្មណ៍យ៉ាងណាដែរ។

ការយល់មូលហេតុពីចរិយាមិនគួរសម្យរបស់កូនលោកអ្នកនឹងជួយលោកអ្នករកមធ្យោបាយនានាដើម្បីជួយគេឲ្យកាន់មារយាទល្អដោយរបៀបផ្សេងទៀត។

ការទទួលស្គាល់នូវភាពខុសគ្នា

គ្មានមនុស្សពីរនាក់ដូចគ្នាទេ។

ជួយកូនដោះស្រាយព្រឹត្ដិការណ៍ដែលតានតឹង

'ជួនកាលក្មេងមិនអាចតាមទាន់មនុស្សពេញវ័យទេ។ មនុស្សពេញវ័យត្រូវការបង្អង់ល្បឿនដើម្បីយើងអាចដើរទាំងអស់គ្នា។'

សព្វថ្ងៃនេះ គ្រួសារប្រឈមមុខនឹងការតានតឹងជាច្រើន។ ដូចជា, ការធ្វើការច្រើនម៉ោង, ការលែងលះគ្នា, ការមានជម្ងឺ, ការឥតការងារធ្វើហើយនិងការផ្លាស់ប្ដូរទីលំនៅ បានប៉ះពាល់ដល់មនុស្សពេញវ័យផងនិងកូនផង។