Ilma Walbaa Waa Muhiim

Buuggaani wuxuu sahaminaya dhowr mawduuc oo ku saabsan carruurta iyo waalid noqoshada. Guud ahaan, wuxuu ku siinayaa fursad aad kaga fekerto carruurtaada, waalid noqoshada iyo sidaad ku siin karto carruurta waaya-aragnimada aad doonayso inay ku koraan.

Ma kuu sheegay dhowaanahan in aan ku jeclahay

Waxyaallaha waalidkeen na yiraahdeen markaan carruurta nahay badanaa ma hilmaano weligeen.

Carruurtu waxay u baahan yihiin inay dareemaan in la jecel yahay laguna aqbalo siday yihiin, mana aha keliya markay wax fiicanm sameeyaan.

Baqdin iyo welwel

Carruurta badankeed waxay yeeshaan baqdin mar uun noloshooda. Cabsida guud waxaa ka mid ah gudcurka, dhawaaqa aadka u dheer, xayawaanada baaxada weyn, lumida ay lumaan, shaydaanka iyo seexashada meel cidla ah. Mararka qaarkood, carruurta qaarkeed ayaa ka cabsata inay lumiyaan waalidka mid ka mid ah jiro ama cudur dartiis.

Qoysas Farxaana oo Xoogan

Qoysaska farxaanka ah oo xoogan waxay abuuraan dareen nabdoon oo qoyska dhexdiisa ah iyo qof walba oo qoyska ka mid ah. Nabad qabka waxaa ka mid ah, mid jireed, maskaxeed, shucuureed iyo caafimaadka bulsho. Qoyska farxaanka ah oo xoogani waa is-dhiirigeliyaan waana is caawimaan si ay u ahaadaan kuwa dhanka wanaagsan wax ka eega, rajo qaba una wada da’daala si shakhsiyan ah iyo si qoysba. Qoyska farxaanka ah oo xoogan qof walbaa wuxuu xaq u leeyahay inuu dareemo amni, xasilooni, farxad iyo in la jecel yahay. Waalidka masuuliyad ayaa ka saaran inuu bixiyo door lagu daydo iyo deegaan kaalmaynaya kaas oo ku haboon carruurtooda ayna ku barwaaqoobi karaan.